Morten Sommerbakk er dagleg leiar i Foreininga for human ruspolitikk (FHR) og gatemagasinet =Bergen, og jobbar som erfaringskonsulent på HUSET Bergen.

Han er også låtskrivar og artist, har gjeve ut plater med Gatens Evangelium og Sommerbakk og er no vokalist i bandet Opplett. Morten er tidlegare rusavhengig, ei erfaring han brukar i jobben sin for å hjelpe andre som strevar med rus.

Morten er ein populær føredragshaldar innan felta psykisk helse og rus og brukar også livserfaringa si i songskriving. Han har vore med som konferansier på Gjenklangkonsertane sidan starten i 2020, ein jobb han gjer med stort engasjement.